Leniye Minabilova
84 yaşında
Qurman rayonınıñ Salğır Qıyat köyünde doğdı.
1944 senesiniñ başında qoranta babasını cebbeden beklep yaşay edi. O vaqıt Qırım faşistlerden endi azat etilgen edi. Mayıs 18-inde askerler qorantanı uyatıp, yolğa azırlanmağa mecbur etti.
“Vagonnıñ qapıları qapalğanda, parovoznıñ gürüdegeniniñ sesini iç unutmam. Sürgünlikte ağam ve tatam elâk oldı”.
1975-inci yıllarda qorantasınen Qırımğa qayttı. Başta Canköyde ev aldılar. 1995-inci senesi Aqmescitke köçtiler, şimdi de anda yaşay.