Leyha aqqinda

«Tamırlar» bu – sürgünlik faciasını körip keçirgen insanlarnıñ ömür ikâyelerini toplamaq maqsadınen yapılğan mültimedia platformasıdır.


1944 s. mayısnıñ 18-inde Qırımnıñ tamır halqı sürgün etildi.


Yañı nesil ğurbetlikte, uzaq Özbekistanda doğdı. Ana-babalarınen beraber yaşlar da meşaqatlarnen tolu avdet yolundan keçtiler. Zorbalıqsız küreş, mitingler, narazılıq aktsiyaları, biñlerce yazılğan muracaat ve istidaname, açlıq aktsiyaları, lagerlerde ve apishanelerge keçirilgen yıllar – bunıñ episi halqımıznıñ başından keçti.


Nevbetteki qırımtatar nesili ğurbetlik ve Vatanğa qaytuv arasında, Sovet Birliginde ve Ukrainanıñ mustaqilligi meydanğa kelüvi devamında dünyağa kele.


Şimdi bu nesilniñ endi öz balaları bar. Özümizge bergen eñ müim sual – bu balalar sürgünlik aqqında ne bilecekler? Olarğa bu malümatnı kim añlatacaq? Sürgünlikni körip keçirgen insanlardan ğayrı, bu facia aqqında kimse tolusınen añlatıp olamaz. Mal vagonlarına yüklengen, açlıq ve öksüzlik balalıqta ne olğanını bilgen, Uralnıñ suvuq ormanlarında sağ qalmağa tırışqan ve bir parça aş berilgen balalar evinde qurtulışnı körgen bita-qartbabalarımız bunıñ şaatlarıdır.


Kerçek tarihnı saqlamaq, onı kelecek nesillerge añlatmaq ve unuttırmamaq içün – sürgünlik ikâyelerini bir saytta toplamaq ister edik.


Şu sebepten mezkür leyhada er bir qırımtatarnıñ iştirak etmesini isteymiz. Bu er birimiz, balalarımız, bita-qartbabalarımız, keçmişimiz ve eñ esası – kelecegimiz içün pek müim.

 

İŞTİRAK ETMEK


 

Seniñ ecdatlarıñnıñ ömür ikâyeleri halqımıznıñ kelecegi içün müim!

Davetname


Aşağıdaki “İştirak etmek” dögmesine basaraq, leyhağa qoşulmaq mümkün!

 

 

İştirak etmek

Taqım

Alim Aliyev

leyha müellifi, koordinator

Elvira Karayeva

koordinator yardımcısı

Mavile Halil

muarrir

Ahmedi-Ernes Sarıhalil

video

QaraDeniz Production

video

Gülnara Bekirova

tarih mesleatçısı

Elnara Gvardiya

terciman

Sevil Yunus

terciman

Aziz Ametov

veb-dizayner

Zarema Yalıboylu

Sürgünlik şaatları leyhasınıñ fotografı

Rustem Eminov

Saytınıñ dizaynında ressam Rustem Eminovnıñ eserleri qullanıldı

Said Emiruseinov

veb-programmist